可唔可以留言話俾我知
你鍾意或者唔鍾意空中瑜伽嘅原因?
點解我會咁問? 因為我曾經都試過對空中瑜伽係又愛又恨😶
記得第一次接觸空中瑜伽係2012年, 果陣上完第一堂, 第二日雖然全身酸痛, 仲痛咗好幾日, 但係都覺得好有挑戰性好好電! 所以就開始周圍搵邊度有得上堂去玩! 🤪
果陣都仲唔係話好普及, 唔係好多地方有得學, 但係因為鍾意, 要周圍搵地方上堂都有一直堅持💪🏻 直到去咗一間studio, join咗個package, 然後果度嘅每一堂, 老師都教完全一樣嘅野🌚 我就開始覺得空中瑜伽悶, 所以就轉咗去玩Aerial Hoop
到到完成咗我嘅Aerial Hoop Teacher Training, 先再pick up返Aerial Yoga, 都有遇到好好嘅老師, 令我重拾返對空中瑜伽嘅興趣, 但係有一次果個好老師嘅課堂, 被其他老師代咗堂, 而果堂老師話知大家屋企都唔會有hammock, 叫我哋自己用hammock做自己想做嘅野嚟做熱身, 我就係果堂狠狠地係hammock跌咗落嚟, 膝頭哥落地, 足足休養咗差唔多半年, 先叫完全好返曬🥲
事後覺得自己應該讀埋Aerial Yoga Teacher Training, 用嚟上堂嘅時候識保護自己都好嘛🙌🏻 唔知大家有冇留意, 一路講讀training, 但係都無教... 係... 其實我一直一直讀埋讀埋好多野, 但係之前點都跳唔出個comfort zone, 覺得自己學得唔夠多, 經驗唔夠多, 教唔到人🙇🏻♀️
最後碰上疫情, 我就終於真正就由一個freelance教練/代課老師, 讀埋我RYT200, 轉職成為一個全職瑜伽老師/健身教練🙏🏻
而家, 我當然非常鍾意空中瑜伽, 因為我遇到一班都係非常鍾意空中瑜伽嘅學生, 每次見到大家上堂開心, 我都好開心🥰
如果你都有興趣上我嘅課堂歡迎DM我📬
Search